BR LA UNION – Nangidiaya ti Department of Justice (DOJ) ti P1-milyon a gunguna para iti siasinuman a makaited ti impormasyon seknan iti lokasyon ni Cassandra Li Ong.
Sumangsango ni Ong iti kaso a qualified human trafficking gaputi pannakairaman na iti iligal nga aktibidad ti Philippine offshore gaming operator (POGO)a Lucky South 99 offshore gaming hub idiay Porac, Pampanga.
Segun kenni DOJ Acting Secretary Fredderick Vida, ti nasao a reward ket nairanta tapno mapadaras ti pannakatiliw ni Ong.
Saanna met nga inlibak nga adda kabaelan ni Ong a rumwar ken sumrek ti pagilian.
Ti nasao nga anunsiyo ni Vida ket kasaruno iti panangiyisyu ti Pasig City Regional Trial Court ti kanselasyon ti pasaporte agraman ti dadduma pay.
