BR LA UNION – Umaboten ti 44 a tattao ti kumpirmado a natay iti maibilang a deadliest fire in history ti Hong Kong sipud maikadwa a gubat sangalubongan (WWII).
Manipud alas 3:00 ti malem idi kalman, Nobyembre 26, a nangrugi ti uram ngem agingga ita a 16 nga oras-en ti napalabas, adda pay laeng makita nga apoy ken asok manipud kadagiti pito agingga walo a high rise apartment complex idiay Tai Po District.
Maibasar iti kauddian a report, saan pay a naan-anay a nasebseban ti apoy ngem under control itan dagiti uppat a building.
Adda pay ti 279 a tattao ti mapukpukaw ngem manarimaan metten ti rescue operation bayat a dinosena dagiti naiturong iti ospital.
Tallo ti naaresto a suspek ita nga agsapa gaputi maipagarop a manslaughter.
Saan pay a nangipaay ti pakabuklan a detalye dagiti otoridad maipapan kadagiti tallo a naaresto, ngem imbaga ti maysa a police spokesperson iti New York Times a dagiti naarestar ket dua a director ti construction company ken maysa a consultant.
Kinuna dagiti opisyal a sukimaten da dagiti materyales a nausar iti uneg (exterior) dagiti pasdek a posible a nangrubrob iti apoy pakairamanan pay ti naikabil a bamboo scaffolding iti aglawlaw dagiti tower bayat a maipaspasidong iti renovations.
Nasurok 900 a tattao ti naiyakar kadagiti temporary shelters.
