BR LA UNION – Saan pay nga ammo ti eksakto a makagapo ti napasamak a kadakkelan nga uram idiay Hong Kong iti napalabas a nasurok 60 a dekada, sipud idi World War II.
Segun kenni Security Chief Tang Ping-Keung, agtultuloy ti imbestigasyon ngem maibasar kunana iti preliminary findings, nakatulong iti napartak a panagramaram ti apoy iti pito a high rise apartment blocks, dagiti sumagmamano a nausar a flammable materials bayat ti renobasyon kadagiti nasao a pasdek partikular ti styrofoam, malaksid dagiti naikabil a bamboo poles, nylon ropes, plastic sheets wenno tarps ken ti green mesh net.
Iti timeline nga inruar ti CNN, saan a nalawag nu sadino ti eksakto a nangrugyan ti apoy idiay Wang Fuk Court, a buklen ti walo a 32-storey towers, nga agpapada a residential complex idiay Hong Kong’s Tai Po district.
Pagnanaedan daytoy ti nasurok 4,000 a tattao a kaadwan ket nataengan ken low-income.
Umaboten ti 128 a tattao ti nakumpirma a natay a pakaibilangan ti nagresponde a bombero a ni Ho Wai-ho, gasut pay ti mapukpukaw ken ribu dagiti homesless wenno napukawan ti pagtaengan.
Ti Hong Kong ket consistent a maysa kadagiti world’s most expensive cities iti intero a lubong.
Adu ita ti salodsod a mangbal-balkot iti Hong Kong, nangruna ket addaan daytoy ti makuna a napigsa a safety record ken saan pay a naus-usar iti anyaman a disaster ken uray idi napasamak ti kuna dagiti Hong Kongers a “man-made disaster” idi malem ti Miyerkoles, Nobyembre 26, 2025.
Segun kadagiti opisyal a nangisayangkat ti inspection kalpasan ti uram, “not functional” ti fire alarm iti amin a walo a complex building.
Immunan nga imbaga dagiti residente a saan a naguni ti alarm system ti building.
Malaksid ti tallo nga agtrab-trabaho iti construction company a naarestar gaputi maatap a “manslaughter by way of gross negligence” kanayunan a walo pay ti inarestar dagiti otoridad.
Maibasar iti report, ti pamilya dagiti natay ket makaawat ti HK$200,000 (kaibatugan ti $25,700 USD) manipud iti gobyerno, segun kenni Hong Kong’s secretary for home and youth affairs Alice Mak.
Bayat a dagiti naapektaran ket makaawat ti HK$50,000 (kaibatugan ti $6,400 USD) a living allowance iti sumaruno a lawas.
