BR LA UNION – Namnamaen ti sabali manen a bagyo ita a lawas iti taaw ti pagilian.
Ti low pressure area (LPA) nga agdama a ma-monitor iti ruar ti Philippine Area of Responsibility (PAR) ket dakkel ti posibilidadna nga agbalin a tropical depression iti uneg ti sumaruno a 24 nga oras.
Naudi a nasaripatpatan ti LPA iti agarup 1,200 kilometro iti daya ti Southeastern Luzon ken manamnama a sumrek iti PAR ita nga aldaw.
No agbalin a bagyo, maawagan daytoy iti “Wilma,” ti sumaruno iti listaan dagiti lokal a nagan dagiti bagyo ita a tawen.
Manamnama a mangigubway daytoy ti napigsa a tudo idiay Visayas ken Southern Luzon mangrugi inton bigat, Huwebes, Disyembre 4, 2025.
Kabayatanna, agtultuloy ti panangapektar ti Intertropical Convergence Zone (ITCZ) iti abagatan a Mindanao, a mangigubway ti panagtudo ken panaggurruod.
Iti Northern Luzon, agraira ti Northeast Monsoon wenno Amihan, a mangipaay iti nalamiis nga angin ken naulep a tangatang.
