Immatras ni Senador Jinggoy Estrada nga agbalin a miembro ti Bicameral Conference Committee para iti proposed national budget inton sumaruno a tawen.
Imbasa ni Senate Majority Juan Miguel Zubiri iti naisubmitir a request letter ni Estrada kabayatan ti Senate plenary session idi kalman, kalpasan nga aprobaran ti Senado iti resolusion para iti panangpawayway ti legislative calendar ti Kongreso para iti panangipasa ti 2026 budget sakbay a malpas iti tawen.
Mamati ni Zubiri nga immatras ni Estrada iti posision iti bicam tapno ikonsiderar ti body.
Iti desision ti Senado a nangdutok kenni Estrada kas maysa kadagiti kameng ti Bicameral Conference Committee ket gapu ta automatiko a maited daytoy iti chairperson ti Senate Finance Committee ken vice chairperson ti subcommittee.
Inlawlawag pay ti majority leader nga iti posision iti bicam ket saan a pinili ti siasinoman ken saan nga espesial a pribilehio.
Kinunana, amin a miembro a nailista iti Bicam ket sub-committee chairmen wenno vice chairmen.
Nagmosyon ni Senate President Vicente Sotto III nga aprobaran iti nasao a kiddaw ti Senador nga ag-withdraw iti designation iti Bicam.
Ti Bicameral Conference Committee ket nairangta para iti panangsukimat iti nagduma nga probision ti Senado ken Kamara mainaig iti 2026 budget.#
