Mangnamnama ni Senate Committee on Finance Chairman Senador Sherwin Gatchalian a dumar-ay ni Senador Ronald “Bato” dela Rosa inton bigat, December 13, iti bicameral conference committee meeting para ti 2026 national budget.
Tumaktakder kas vice chairman ni Dela Rosa ti Committee on Finance, isu nga automatiko a paset isuna kadagiti conferees iti bicameral meeting.
Iti maysa nga interview, kenuna ni Gatchalian nga ad-adda a pamiliar ti Committee on Finance iti pondo dagiti ahensia.
Saan met kunana a nagikkat ni Senador Bato kas miembro ti Bicam isu a namnamaen na a dumar-ay daytoy inton bigat.
Innayon pay ni Gatchalian, saan da a pabigyan no agkiddaw ti online attendance ni Senador Bato iti Bicam para ti 2026 national budget, gapu ta awan daytoy iti rules.
Saan na met a masigurado no maikonsidera dagiti amiendana iti Bicam no maidalan laeng iti surat.#
