BR LA UNION – Nalapdan ti Federal Bureau of Investigation (FBI) iti gandat a panangisaknap ti terorismo iti New Years Eve wenno bisperas ti Baro a Tawen idiay Los Angeles, California.
Uppat a miyembro ti maipagarop a Turtle Island Liberation Front, maysa a pro-Palestinian ken anti-government group iti inaresto dagiti otoridad gaputi panag-plano ti coordinated bombing attacks.
Segun iti FBI, adda ti lima a lugar idiay southern California ti target ti nasao a grupo.
Naaresto dagiti suspek manipud iti disyerto idiay Los Angeles bayat ti panangisayangkat da koma ti testing iti inaramid da nga improvised explosive device.
Nabigbig dagiti suspek nga isuda:Audrey Carroll, agtawen ti 30; Zachary Aaron Page, agtawen ti 32; Dante Anthony-Gaffield, 24-anyos; ken Tina Chen-Ting Lai, agtawen ti 41.
Naidatagan dagiti suspek ti kaso a conspiracy ken possession of an unregistered destructive device.
Mangisay-sayangkat ti naun-uneg pay nga imbestigasyon ti FBI nu adda pay ti dadduma a kakadwa dagiti naaresto a suspek.
