Rinugyanen ti Department of Education (DepEd) iti panangirelease ti year-end incentives para kadagiti empleyadoda kas maitunos iti direktiba ni Presidente Ferdinand Marcos Jr.
Paset iti incentives ti Service Recognition Incentive (SRI), Productivity Enhancement Incentive (PEI), Collective Negotiation Agreement (CNA) incentive para iti eligible personnel, ken gratuity pay para kadagiti contract-based workers.
Sakop ti package iti aganay 1 million DepEd employees iti intero a pagilian. Makaawat ti ₱20,000 (SRI) ken ₱5,000 (PEI) dagiti mannursuro ken non-teaching personnel, bayat a dagiti non-teaching staff ket manayunan ti ₱10,000 CNA incentive.
Dumanon ti ₱4,000 agingga ₱7,000 iti gratuity pay para kadagiti contract of service ken job order workers, depende iti kinapaut ti serbisyo.
Segun ti DepEd, mangrugi iti umuna a tranche ti SRI ita a bulan ti Disiembre a dumanon iti ₱10,000 agingga ₱14,500 tunggal kualipikado nga empleyado, ket iti nabatbati a balanse ket mairuar kalpasan iti pannagaprobar ti modification of allotments.
Ti PEI ket addaan panggep a pangatuen iti productivity ti serbisio-publiko, bayat nga iti CNA incentive ket nakatuding a mairuar inton Enero 2026 para kadagiti kualipikado a non-teaching personnel.#
