Inallukoy ni Senate Finance Committee Chair Sen. Sherwin Gatchalian iti Department of Health (DOH) nga ipatungal dagiti amin a programa ti ahensya, kasaruno iti panangilatang ti pondo para iti tawen 2026, kas iti Philippine Health Insurance Corp. (PhilHealth) ken zero balance billing.
Segun kenni DOH spokesperson Albert Domingo, mabalin met a mangipaay ti oversight dagiti mammanday-linteg iti implementasion kadagiti proyekto.
Iti sabali a bangir, agpada nga inallukoy ni Gatchalian ken Domingo dagiti health advocates a makipaset iti saritaan tapno mapasayaat iti healthcare system ti pagilian.
Maipalagip a nalpas iti bicameral talks ti 2026 national budget idi Huwebes ti bigat, kalpasan ti uppat nga aldaw a deliberasyon, ken target a maaprobaran sakbay ti Disyembre 29.#
