Impalagip ti Department of Labor and Employment (DOLE) a makaawat ti 200% wenno ‘double pay’ dagiti empleyado ti pribado a sektor a sumrek ti trabaho ita a Disyembre 25, Aldaw ti Paskua.
Maibasar ti Labor Advisory No. 17 a pinermaan ni DOLE Secretary Bienvenido Laguesma, dagiti empleyado nga agtrabaho ti regular holiday ket karbengan a makaawat ti doble a sueldo para ti umuna a walo nga oras. Nu lumagpas ti walo nga oras ti trabaho ket adda ti kanayonan a 30% nga hourly rate.
Nu ti Paskua ket naibatog ti dayoff, adda pay ti kanayonan a 30% malaksid iti 200 percent a basic wage. Nangatngato pay iti bayad nu adda iti overtime.
Kabayatanna, dagiti empleyado a saan a sumrek ti trabaho ita nga aldaw ket makaawat latta ti maysa aldaw a sueldo da, nu laketdi simrek da wenno nag-‘leave with pay’ sakbay iti holiday.
Ti Disyembre 25 ket naideklara kas tinawen a regular holiday tapno ipaayan-dalan dagiti Pilipino a rambakan ti pannakaipasngay ni Hesukristo, kakadwa ti pamilya ken dagiti napapateg da iti biag.
