BR LA UNION – Inawagan ken inladawan ti Office of the Ombudsman kas ‘natural flow of things’ ti nabiit pay a panaglosolos ni Independent Commission for Infrastructure Commissioner Rossana Fajardo manipud iti puwesto.
Daytoy mismo ti nagbalin a reaksyon ken kumento ti Ombudsman nga imbinglay ti tagapagsarita na a ni Assistant Ombudsman Atty. Mico F. Clavano.
Kinunana a nabukel a komisyon idi adda pay laeng ti transition iti nagbaetan ti sigud ken baro nga Ombudsman.
Ti tarigagay ti pannakabuangay daytoy ket tapno masigurado ti dagus ken mapagtalkan a fact-finding ken imbestigasyon dagiti anomalya iti flood control projects.
Idi madutukan ni sigud a Department of Justice Sec. Jesus Crispin ‘Boying’ Remulla kas baro nga Ombudsman, pinaspasan met ti nagsumite iti referral iti Independent Commission for Infrastructure.
Mamati ti Ombudsman a ti kaadda iti posisyon iti komisyon ket addaan iti nangato nga ‘exposure’ nangruna kadagiti mangidadaulo daytoy.
Contact us: bombo_launion@bomboradyo.com
