BR LA UNION – Nagpanawagan ni House Deputy Minority Leader ken ACT Teachers Party-list Rep. Antonio Tinio ti nainget nga imbestigasyon iti maipagarop nga anomalya iti badyet ti DPWH kalpasan a rimwar iti impormasyon nga adda pakainaigan da Vice President Sara Duterte, Rep. Paolo “Pulong” Duterte, ken Atty. Harry Roque iti budget insertion idi 2020.
Segun kenni Tinio, saan a mabalin nga aginli-linis ni VP Duterte agsipudta adda dagiti proyekto nga inserrek na iti DPWH idi isuna pay ti mayor idiay Davao City.
Dinakamat na ti maipagarop a ₱51 bilyon nga alokasyon kenni Pulong Duterte a sigud a kinumpirma ti natay a ni sigud a Undersecretary Catalina Cabral.
Innayon pay ni Tinio, uray ti sumagmamano nga opisyal ti Malacañang kas kada Roque ken Bong Go ket maipagarop a nagnumar idi panawen ti Duterte administration.
Impaganetget ni Tinio a nangrugi iti nalawa ken nakaru a panagtakaw iti pondo ti Department of Public Works and Highways manipud 2016 agingga 2022, isunga rumbeng a sakopen ti imbestigasyon ti nasao a panawen ken pagsungbaten dagiti mairam-raman.
