Nababa iti bilang dagiti botante a nakipaset iti umuna a paset ti eleksion idiay Myanmar.
Daytoy ket iti kangitingitan ti agtultuloy a panang-kuestion ti United Nations, human rights groups, ken sumagmamano a pagilian iti kredibilidad ti binotos.
Daytoy iti umuna a national election sipud idi maagaw ti militar iti bileg iti maysa a kudete idi 2021.
Dinepensaan ti ruling junta iti tallo a paset ti eleksion kas dalan iti maipagarup a “katatagang pulitikal”, iti laksid ti agtultuloy a civil war ken panangiparit kadagiti anti-junta party.
Agtaltalinaed a nakabalud ti sigud a leader a ni Aung San Suu Kyi ken narakrak metten iti partidona National League for Democracy.
Segun kadagiti analyst, posible nga umuna iti military-backed Union Solidarity and Development Party (USDP) iti eleksion.
Kabayatanna, nababba iti turnout maiyarig idi 2020 elections, ken nagpanawagan dagiti rebelde ti boycott kadagiti sumagmamano a lugar.
Iti sumaruno a paset ti eleksion ket maisayangkat inton Enero 11 ken Enero 25, 2026.#
