BR LA UNION – Sumabat iti baro a tawen wenno umuna nga aldaw ti 2026, ti panagngato ti presyo ti liquefied petroleum gas (LPG).
Maibasar iti abiso ti Solane, sumagmamano a kumpanya ti LPG ket agbalin nga epektibo, alas-6 ti agsapa inton bigat – Enero 1, 2026 ti P2.18 a price hike kada kilo.
Kaibatugan daytoy ti P23.98 a panagngato iti kada 11 kilogram a household LPG cylinder.
Iti biang ti Regasco, inyanunsiyo da nga ipangato da ti P2.00 kada kilo wenno P22 iti kada 11 kilogram a household LPG cylinder.
