Iggem itan ti TNT Tropang 5G ti 2-0 a lamang para ti best-of-seven semifinals ti PBA Philippine Cup kalpasan a parmeken da ti Meralco Bolts ti score a 109-92.
Nangidaulo iti ay-ayam ti TNT ket ni Calvin Oftana a nakailista ti 26 points ken pito a rebounds bayat a 24 points ken dua a rebounds met ti ambag ni Jordan Heading; Tig-12 points da RR Pogoy ken Kelly Williams bayat nga 11 points laeng para ken ni Brandon Ganuela-Rosser.
Manipud pay iti rugi ket dominadon ti TNT iti lamang ket impilit pay ti Bolts a makakamat ngem saan dan a nabaelan pay agingga a nagleppas ti ay-ayam.
