BR LA UNION – Maysa a Pinay immigrant iti asawa ni Jonathan Ross, maysa nga Immigration and Customs Enforcement officer, a nangpaltog ken nakapatay kenni Renee Good idiay Minneapolis idi Miyerkoles.
Segun kenni Ed Ross, ama ni Jonathan, iti nagannak ti asawa ti anak na nga US citizen ket agnanaed ditoy Pilipinas.
Ni Jonathan Ross, 43 anyos, ken asawa na a Filipina ket nagkasar idi 2012.
Ni Ross ket maysa nga Iraq war veteran a nagserbi ti dandani dua a dekada iti Border Patrol ken US Immigration and Customs Enforcement.
Nagserbi pay kas deportation officer iti ICE sipud idi 2015.
Pinaltugan ni Ross ni Good, a maysa a 37-year-old, idi ginandat na a paandaren ti lugan na tapno umadayu iti federal agents idi Miyerkoles.
Sakbay ti insidente, intulod ni Good ti buridek nga anak na iti elementary school idiay Minneapolis.
Bayat nga agtultuloy nga ipag-paganetget dagiti opisyal ti Trump administration a maysa a domestic terrorist ni Good gaputi maipagarop a gandat a panang-dungpar na kadagiti federal agents, aglad-ladingit met ti pamilya na, gagayyem ken kaarruba ni Good nga inladawan da a nasingpet ken openhearted.
