Nangipila ti “not guilty” plea ni Sarah Discaya kadua dagiti siyam pay nga akusado mainaig ti maipagarup a ghost flood control project nga agbalor ti ₱96.5 million idiay Davao Region.
Inaramid da daytoy iti naisayangkat nga arraignment para kadagiti dua a kaso ti panaglabsing ti Anti-Graft and Corrupt Practices Act ken malversation of public funds iti RTC branch 27 idiay Lapu-Lapu City .
Kadua ni Discaya a nangipala met ti “not guilty” plea da Ma. Roma Angelin Rimando, a nangibagi ti St. Timothy Construction ken dagiti walo nga indibidual manipud DPWH Davao Region.
Sangsanguen da dagiti alegasion ti panaglabsing iti linteg gapu iti akem da iti nasao a proyekto.
Naiturong dagiti sangapulo nga akusado agturong iti courtroom ni Judge Nelson Leyco manipud Lapu-Lapu City Jail para iti pormal nga arraignment.
Iti panagdingngeg ket pinagkedkedan ti korte iti kiddaw dagiti akusado nga ibasura dagiti kaso maibusor kenkuada ken maisubli iti kustodiya ti
National Bureau of Investigation.
Saan a pinagbigyan ti korte iti mision nga i-dismiss iti kaso.
Nakatuding met iti pre-trial conferance inton Pebrero 3, 2026, a pakatalantanan dagiti isyu ken ebidensia sakbay iti pormal a panagusig.###
