Nakasagana a sungbatan ni Cavite Representative Francisco “Kiko” Barzaga iti korte ti kaso a cyberlibel nga impila kenkuana ti casino tycoon a ni Enrique Razon.
Tinakderan ti mammanday-linteg a pasig nga kinapudno dagiti imbutaktakna maipapan iti pangipaay ti kuarta ni Razon kadagiti sumagmamano a mammanday-linteg tapno saan a mapukaw iti suportada kenni sigud nga House Speaker Martin Romualdez.
Impaganetget na saan daytoy a mabuteng kenni Razon uray maysa isuna a kabatnangan a tao ditoy pagilian.
Maipalagip nga impila ni Razon iti kaso a cyberlibel iti Prosecutors Office ti Makati City kalpasan iti social media post ti mammanday-linteg a nabayadan dagiti kongresista idi nangisayangkat da ti panagtitipon.###
