Inawagan ni Ombudsman Jesus Crispin Remulla nga ‘overstaying’ ni sigud a Department of Public Works and Highways Secretary Manuel Bonoan.
Pimmanaw ni Bonoan iti pagilian idi Nobiembre 11 napalabas a tawen ken nagturong idiay Estados Unidos tapno agpaagas.
Ngem segun kenni Remulla, daytoy ket ‘overstaying’ gapu ta nasurok a dua a bulanen iti panagtalinaed ti sigud a sekretario iti nasao a pagilian.
Mabalin nga i-deport isuna nga agsubli ditoy Pilipinas ti US State Department no maammuanda nga overstaying isuna.
Uray no nag-aplay daytoy ti extension ket saan a naaprobaran, mabalin isuna a pasublien ti US State Department.
Paser ni Bonoan iti immigration lookout bulletin kalpasan a nairaman iti anomalia dagiti flood control projects.
Sangsanguenna ti kaso nga administratibo nga inrekomendar ti Independent Commission for Infrastructure gapu ti ₱72.4 million a gatad dagiti ghost projects.###
