Pimmusay iti sigud a beauty queen a ni Sara Jane Paez iti edad a 57.
Pinasingkedan ti pamiliana iti ipupusay ni Paez idi Enero 13, 2026 ngem saanen a nadakamat iti makagapu ti pannakatayna.
Nakoronaan siuna kas Binibining Pilipinas-Universe idi 1989 ken nakisalisal iti Miss Universe 1989 a naangay idiay Cancun, Mexico.
Iti social media post ti Binibing Pilipinas Charities, Inc. ken impaayanda ti pammadayaw ni Paez.
Naikasar isuna ken ni Nicky Santiago ken naaddaan ti dua nga annak nga agtartrabaho iti ballasiw-taaw.
Nangidanon met ti panakipagrikna dagiti sumagmamano a nasinged a gagayyem ti beauty queen.###
