Nangiruar iti gobierno ti Pilipinas kadagiti tallo a tranche ti US dollar-denominated global bonds nga addaan ti nagduduma a petsa ti maturity a 5.5, 10, ken 25 a tawen.
Segun ti Bureau of the Treasury (BTr), kaunaan a gundaway ita a tawen a nangidiaya ti pagilian iti global bonds iti sangalubongan a merkado.
Pinasarununan daitoy iti immun-unan a naipaulog nga instrumento idi Enero metlaeng napalabas a tawen nga aggatad ti US$2.25-B ken €1-B.
Dagiti bonds nga addaan ti maturity a 5.5 a tawen ket nailako ti 70 basis points a nangatngato ngem ti benchmark Treasury rate; dagiti 10-year maturity ket nailako ti 100 basis points a nangatngato iti benchmark rate; bayat a dagiti bonds nga addaan ti at-atiddog a maturity a 25 a tawen ket nailako ti nasurok-kumurang 5.9%
Segun kenni Finance Secretary Frederick Go, ti transaksyon ket mangipakpakita ti panagkeddeng ti gobierno iti panangisayangkat iti nasaysayaat nga allagaden maipapan ti piskal ken panangitandudo ti stabilidad ti kinarang-ay.
Panggep daitoy nga addang iti panangpapigsa ken inklusibo a panagrang-ay ti socioeconomics ti Pilipinas.
