BR LA UNION – Nakalasat iti RPG attack ni Shariff Aguak Mayor Akmad Mitra Ampatuan ita nga aldaw Enero 25, 2026.
Kinumpirma daytoy ti secretary na a ni Anwar Emblaw.
Segun kenni Emblaw, saan a nasaktan ti mayor agsipudta dagus a naiyadayu iti lugar nge kadagiti security detail na ti tinamaan ken maag-agasan iti ospital.
Makita iti inruar a CCTV footage a nakalugan iti silver mini van dagiti suspek, bimmaba dagitoy ket pinabettakan da ti rocket-propelled grenade (RPG-7) iti behikulo ti mayor itay agsapa idiay Poblacion, Shariff Aguak, Maguindanao del Sur.
Kabayatanna, kalpasan ti insidente, dagus a nangisayangkat ti hot pursuit operation ti Datu Unsay Municipal Police Station kadwa da ti 2nd Provincial Mobile Force Company, Provincial Intelligence Unit, Maguindanao del Sur Police Provincial Office ken 90th Infantry Battalion, Philippine Army, ket natay dagiti maatap a suspek iti panagtambang .
Binigbig ti PNP-BARMM dagiti natay nga isuda Budtong Pendatun, alyas “Rap-Rap”, Teks Pendatun; ken alyas “Puasa.
Agtultuloy iti imbestigasyon dagiti otoridad iti nasao nga insidente.
