Nasarakanen ti Pilipinas Coast Guard (PCG) iti lokasion ti limned nga MV Trisha Kerstin 3 iti kabaybayan a sakop ti Baluk-Baluk, Basilan.
Segun ti PCG, nakaidda iti barko iti posision a daya-a-laud.
Maysa a bangkay iti narekober manipud iti lugar a nangnayon iti pakabuklan a bilang dagiti natay a 43 bayat a 316 dagiti nakalasat.
Pinasingkedan pay ti side-scan SONAR nga iti barko a nakita ket ti MV Trisha Kerstin 3, nupay narigat pay laeng nga isayangkat iti operasion gapu kadagiti napigsa a dalluyon ken angin a gapuanan ti Tropical Depression Basyang.
Malagip a ti MV Trisha Kerstin 3, maysa a lantsa wenno passenger ferry a kukua ti Aleson Shipping Lines, ket limned iti kabaybay ti Basilan idi Enero 26.
Manamnama a maituloy dagiti diving operations inton Mierkoles, Pebrero 5.###
