BR LA UNION – Napasubli ti Pilipinas iti ranggo na kas maikadwa a kadakkelan nga exporter ti saba iti intero a lubong.
Palawaen ti Department of Agriculture (DA) iti export portfolio para kadagiti high-value crops (HVC).
Iti sidong ti 2025 High Value Crops Development Program, nakaibunong ti ahensiya ti aganay 106,000 planting materials kadagiti lokal a mannalon tapno lalo a mapadur-as iti produksyon ti saba ken dadduma pay a produkto agrikultural tapno masungbatan ti demand iti sangalubongan a mercado.
Segun kenni Agriculture Secretary Francisco Tiu Laurel Jr., a maibasar iti kauddian a report ti Food and Agriculture Organization (FAO) ti United Nations, kumpirmado a dagiti target nga interbensyon ti gobyerno ket mangipaay ti positibo a resulta.
Maikadwa ti Pilipinas iti Ecuador a banana exporter ken agtaltalinaed a kangrunaan a supplier ti saba iti intero nga Asya, kalpasan a ngimmato iti 25.6 porsyento iti export volume agturong iti 2.93 million metric tons (MMT) agingga idi nagleppas ti 2025.
