Nakalusoten iti Commission on Appointments (CA) dagiti 35 a senior officers ti Armed Forces of the Philippines (AFP) kasaruno ti panangirekomendar kadakuada ti Committee on National Defense a maaprobaran dagitoy ti nangatngato a ranggo.
Para ti pakabuklan a bilang dagiti nairekomendar: 13 Captain ti Philippine Navy, 4 Colonel ti Philippine Army, 9 Colonel ti Philippine Air Force, 5 Colonel ti Philippine Navy-Marines, 3 Colonel Nurse Corps, ken maysa a Colonel Judge Advocate General Service.
Indauloan ni Senate President Tito Sotto III iti sesyon ken napartak met nga inaprobaran ti CA idiay plenaryo ti pannakadutok dagiti nasao a senior officers.
