Imbida ti prosekusion iti maipagarup a panagaramid ni sigud a Presidente Rodrigo Duterte dagiti mini-Dutertes gaputi panagbuteng, bayat nga inawagan met a fictitious construct ti depensa iti Davao Death Squad (DDS) iti panagrugi ti confirmation of charges hearing sadiay International Criminal Court (ICC).
Impaganetget ti prosekusion ken dagiti biktima nga iti nakaro a panagbuteng nga ingubuay ni Duterte ket nagtaud ti awan asi a panagatake ken panangpatay kadagiti mapapati a kriminal idi alkalde pay laeng isuna ken idi nagbalinen a presidente.
Nainget met daytoy a pinaglibakan ti lead counsel ti sigud a presidente.
Segun ti depensa, impaganetget laeng ti prosekusion iti isyu ti DDS uray daytoy ket maysa laeng a fictitious construct nga awanan ti natibker a basaran.
Sangsanguen ni Duterte iti kaso a crimes against humanity nga adda pakainaiganna iti kontrobersial a war on drugs.
Karaman kadagiti nai-akusar a krimen ket iti panangpatay kadagiti 19 a biktima idiay Davao City manipud 2013 aginggaba 2016; 14 high-value targets manipud 2016 aginggana 2017 babaen ti national network of state actors; ken 45 a biktima—karaman dagiti tallo nga ubbing–iti kangitingitan ti maysa a barangay clearance operation manipud 2016 aginggana 2018.###
