BR LA UNION – Iti Pebrero 25, 2026 ket maikonsidera kas regular wenno ordinary working day, nupay malagip inton bigat iti maika-40 nga anibersaryo ti EDSA People Power Revolution.
Nakailanad iti Labor Advisory No. 01, Series of 2026 nga inyetnag ti Department of Labor and Employment (DOLE), a nasken a sumrek iti trabaho dagiti empleyado agsipudta maipatungpal iti “no work, no pay” principle, malaksid nu adda sur-suruten a company policy, practice, wenno collective bargaining agreement (CBA) a mangipaay ti suweldo iti ispesyal nga aldaw.
Para kadagiti sumrek iti trabaho inton bigat, mabayadan ti 100% a daily basic wage para iti walo oras a panagtrabaho.
Nu aglabes iti walo nga oras wenno ag-overtime, bayadan ti employer ti empleyado ti kanayunan a 25% nga hourly rate.
