BR LA UNION – Pormal nga imprisinta ti prosecution team ti International Criminal Court (ICC) iti command memorandum ti kontrobersyal a war on drugs kas paset ti panagdengngeg iti kaso a crimes against humanity kontra kenni sigud a President Rodrigo Duterte.
Iti agtultuloy a panagsumite iti ebidensya ken merits ti kaso, inlatag ni ICC trial lawyer Edward Jeremy iti sango ti Pre-Trial Chamber I iti dokumento a maaw-awagan ti Project Double Barrel.
Ti Project Double Barrel ket nagbalin nga opisyal nga annuruten ti Philippine National Police iti panangipatungpal ti nadara a kampanya kontra-droga iti napalabas nga administrasyon.
Daytoy ita ti us-usaren ti ICC prosecution kas maysa a napateg a dokumento tapno paneknekan ti maipagarop a sistematiko a polisiya ti pammapatay a nagresulta iti ribu a pammapatay ditoy Pilipinas.
