BR LA UNION – Umaboten ti 40 a tattao ti natay gaputi napasaran a nakaru a panagtudo idiay Brazil.
Segun iti state fire departments ti Minas Gerais, nga adda pay ti aganay 30 a tattao ti naipadamag a mapukpukaw .
Adu a residente ti napukawan ti pagtaengan bayat a naiyakar iti natalged a lugar dagiti dadduma gapu kadagiti insidente ti landslide.
Maysa kadagiti narekobre dagiti rescuers, iti bangkay ti 11-anyos nga ubing managan Bernardo Lopes Dutra, kalpasan a narsuod ti pagtaengan da kalpasan ti record breaking a kapigsa ti tudo, idiay Juiz de Fora, Minas Gerais state, Brazil, idi Martes, Pebrero 24, 2026.
Parigat para kadagiti rescuers iti panagsapol kadagiti missing a mapapati a nagaburan iti napuskol a pitak.
Siniguro ti federal government idiay Brazil a maipaayan ti tulong dagiti naapektaran a residente.
