Imbatad ni Southern Illinois University Graduate Program Director Dr. Raymund Narag a ‘lame excuse’ ti panangawag ni Atty. Nicholas Kaufman nga hyperbolic wenno exaggeration laeng dagiti kontrobersiyal a panagbetla idi ni sigud a Presidente Rodrigo Rodrigo Roa Duterte.
Kinunana nga awan ti natibker a naipresentar ni Kaufman kontra kadagiti ebidensiya nga indatag ti prosekusyon ti International Criminal Court (ICC), nangruna ti panangaramat kadagiti public speeches, idinto a mabalin a maibilang dagitoy kas extra-judicial confessions.
Para kenni Dr. Narag, nagserbi a ‘guide’ dagiti pronouncements ni Duterte kadagiti operasyon kontra ilegal a droga, nga uray pay dagitoy ket mailabsing iti paglintegan ken iti moralidad.
Innayon ti US-based criminal justice expert a posible a nagdudua dagiti dadduma a pulis kabayatan ti panangipatungpal kadagiti operasyon kasta met nga adu dagiti opisyales a naan-anay nga ummikkat iti serbisyo agsipud ta saan dan a mairusok dagiti ar-aramiden da.
