Agalek ti Deputy Prosecutor ti International Criminal Court (ICC) nga agtungpal ti full trial ti crimes against humanity charges kontra kenni sigud a Presidente Rodrigo Roa Duterte kasaruno ti panagleppas ti uppat nga aldaw a confirmation of charges hearing na idiay ICC Pre-Trial Chamber I.
Segun kenni Deputy Prosecutor Mame Mandiaye Niang, nakaipresentar ti dasig da kadagiti ebidensiya a kaaduan ket adda pakainaiganna kadagiti speeches wenno panagbetla ti mismo a sigud a presidente.
Inlawlawag ti Deputy Prosecutor a para ti kumpirmasyon ti kaso ket kasapulan a makaipaay ti umdas a basaran ken impaganetget a saan pay a paset daitoy ti panagdengngeg.
Nagtignay ti ICC Prosecutor nga adda iti umdas nga ebidensiya tapno patien nga ti alegasyon da ket resonable ken saan a nakapsot.
Impunto pay ni Niang a kasapulan nga agtungpal ti trial ti kaso laksid ti panagkuwestyon ti depensa iti kredibilidad dagiti testigo wenno nagkurangan dagitoy, banag a pagpanpanunotan dagiti ICC judges.
Kabayatanna, saan pay a naipasidong ti aniaman a cross-examination dagiti testigo agsipud ta iti trial phase pay daitoy a maaramid.
Iti biang met ti depensa, agtaltalek ni Atty. Nicholas Kaufman nga agdesisyon dagiti hukom ti ICC Pre-Trial Chamber I a naibasar ti ebidensiya. Manamnama a mairuar ti desisyon ti Chamber ti kalpasan ti 60 nga aldaw.
