Nadadael ti sumagmamano a paset ti Dubai International Airport ken naipaayan ti medikal nga atension dagiti uppat nga staff a nadangran iti agtultuloy a drone strike ti Iran idiay UAE.
Kaadduan a terminals ket awanan ti pasahero kalpasan ti naisayangkat a precautionary measure a panangisara kadagiti airports.
Makita kadagiti social media videos a napunno ti asok iti uneg ti airport bayat iti panagbakwit dagiti empleyado ti pasdek.
Segun ti UAE Ministry of Defense, nupay nakabaelanda nga i-intercept dagiti 195 drones nga impatayab ti pagilian sipud iti panagrugi ti panagraut idiay Iran, 14 dagiti natnag kadagiti teritoryo ti pagilian ken nangigubuay ti “collateral damage”.
Immunan a nangipaulog ti statement ti Dubai Airports a mangiparparit kadagiti pasahero nga agbiahe iti airport ken nabalakadan a kontaken a direkta iti airline para iti kauddian a flight updates.###
