Nagpakdaar ti Philippine Exporters Confederation Inc. (Philexport) a mabalin a mangigubuay ti nalawa nga epekto iti global supply chain iti kumarkaro a tension idiay Middle East, kasuruno iti panagraut ti Estados unidos ken Israel idiay Iran ken ti panagibales daytoy.
Nangpataud ti pannakatantan iti airspace ken dagiti logistics dagiti panangraut ken panangpuntiria kadagiti pagilian idiay Middle East nga addaan kadagiti base militar ti Estados Unidos ken ti panaginget iti Strait of Hormuz, bayat a kumarkaro iti volatility kadagiti merkado ti enerhia.
Segun ti grupo, mabalin a makaapektar iti panagayus ti panagtagilako iti intero a lubong iti nabuntog a panagdur-as iti ekonomia ken nangato a gastos.
Para iti Pilipinas, iti panagngato ti presio ti krudo iti direkta a mangpangato iti gastos iti produksion, transportasion ken logistics a mabalin a mangpakapsut iti price competitiveness dagiti produkto ti pagilian iti global market.
Karaman kadagiti sektor nga apektado ket ti electronics, garments, processed food, ken furniture, a mabalin a sumango iti nangantngato a shipping rates, insurance premiums, ken nabaybayag a transit time no agbaliw wenno masinga dagiti ruta.###
