BR LA UNION – Nailista ita nga aldaw iti sukat ti piso kontra dolyar iti kantidad a P60.690, kababaan a tukad iti pakasaritaan ti local currency.
Bimmaba daytoy manipud iti napalabas a panagrikep a P60.46 ken immabot pay iti intraday high a P60.84.
Segun kadagiti analyst, ti agtultuloy a tensyon idiay Middle East ken panagngato ti presyo ti langis iti kangrunaan a makagapo ti panagkapoy ti piso, bayat nga agtaltalinaed a natibker ti demand para iti US dollar kas safe-haven currency.
Namnamaen a ngumato iti presyo dagiti gagatangen ken imported goods, ngem agnumar met iti pamilya dagiti OFWs gapu iti nangato a balor ti dolyar a remittance.
Iti likudan daytoy, agtaltalinaed a karit iti inflation ken posible a panagbaba ti investor confidence.
Kritikal iti agbalin a sungbat ti Bangko Sentral ng Pilipinas iti sumaganad nga aldaw tapno mapagtalinaed ti natibker nga ekonomiya.
