LA UNION – Naarestar ti 49-anyos a drug suspect iti naisayangkat a buy-bust operation idi Marso 4, 2026 idiay Barangay San Agustin, City of San Fernando, La Union.
Nakumpiskar kenkuana ti mapatta-patta a maysa gramo ti mapapati a shabu nga agbalor ti ₱6,800 a nakaikabil ti dua nga heat-sealed sachet, karaman ti motor, cellular phone, ken ti buy-bust money.
Nakemmeg daytoy babaen iti panangidaulo ti City of San Fernando Police Station, koordinasion ti Philippine Drug Enforcement Agency Region 1, ken dagiti dadduma pay nga units.
Nairekord iti operasion babaen ti Body-Worn Cameras, ken naisayangkat iti on-site inventory ken marking of evidence iti imatang ti suspect ken dagiti mandatory witnesses.
Kalpasanna, naipasidong iti suspek ti medico-legal examination ken iti agdama ket adda iti kustodiya ti pulisya bayat a maur-uray iti pannakaipila dagiti maitutop a reklamo.###
[Reference: City of San Fernando Police Station, La Union PPO]
