Urayen ken adalen a nalaing ni Presidente Ferdinand R. Marcos Jr., ti pinal a bersyon ti Anti-Political Dynasty Bill apaman maisubmitiren daitoy idiay Malacañang.
Segun kenni Palace Press Officer Undersecretary Claire Castro, ur-urayen paylaeng ti Office of the President ti bersyon ti gakat manipud Senado ken Kamara sakbay a matingiting iti Presidente.
Imbatad ti opisyal a karaman kadagiti pagpanunotan ti presidente ket ti masakopan ti gakat seknan ti panangiparit ti political dynasty, nu agingga iti pagpatinggan na a second wenno fourth degree of consanguinity.
Adda iti bukod a bersyon ti Senado ken Kamara, karaman ti House Bill No. 6671 nga inaprobaran ti House Committee on Suffrage and Electoral Reforms nga inton agangay a maipatulod idiay Malacañang ket desisyonan ti presidente nu mapirmaan a kas linteg wenno maipasubli idiay Kongreso.
