BR LA UNION – Natay ti dua a tattao bayat a tallo iti nadundunor kalpasan ti karambola dagiti siyam a behikulo idiay Silang, Cavite.
Napasamak ti aksidente idiay Tagaytay-Santa Rosa Road idiay Sitio Muzon, Barangay Puting Kahoy.
Kinuna ni Col. Joseph Macatangay, hepe ti Silang Municipal Police Station, nabigbig dan iti drayber ti motorsiklo bayat a ti maysa a biktima ket saan pay nga ammo nu nagluganan daytoy.
Karaman pay a nasugatan ti ubing a babai nga agtawen ti lima a maipagarop a bumalballasiw iti kalsada agturong iti pagadalan.
Maibasar iti CCTV footage, agarop alas 7:20 ti agsapa, Marso 18, dumaldalyasat ti 10-wheeler truck idiay Santa Rosa City, Laguna idi dinungpar na dagiti lugan iti sangwanan na.
Walo pay a dadduma ti nairaman iti aksidente kabilang iti SUV, van, kotse, motorsiklo, ken dadduma pay a lugan a nakaparada iti igid ti kalsada.
Kalpasan ti aksidente, nag-derecho latta a nagmaneho ti truck driver ken imparada na iti karuotan a paset idiay Barangay Santo Domingo, Santa Rosa, sakbay a naglibas.
Iti inisyal nga imbestigasyon dagiti otoridad, nadadael iti preno ti truck bayat a pasalog iti kalsada.
Nabigbigen iti driver ti truck ken agtultuloy a sap-sapolen dagiti otoridad tapno sangwen ti agtutuon a kaso daytoy.
