Pinapigsa pay ti gobierno iti koordinasyon kadagiti probinsya, ciudad, ken daddma pay a lokal a gobierno tapno mapapartak ti pannakaipasdek dagiti classrooms nga addaan ti natibtibker ken moderno a disenyo.
Daitoy ti impaganetget ni Presidente Ferdinand Marcos Jr., idi binisita na ti Mariveles National High School – Cabcaben Annex (Alasasin) idiay Bataan.
Personal nga inispeksyon ti Presidente dagiti ‘newly installed prefabricated classrooms,’ inobserbaran ti Xepto Learning Management System (XLMS), ken indauloan ti turnover dagiti learning tablets ti Provincial Government of Bataan iti nasao a pagadalan.
Ininspeksyon pay ti Presidente iti medical mission ti Department of Education (DepEd) babaen ti Yaman ng Kalusugan (YAKAP) ken Kalinga services.
Segun kenkuana, dagiti classrooms ket kabaelan ti ginggined a dumanon ti agingga magnitude 8 kasta met ti kapigsa ti angina dumanonon ti 300kph. Naparpartak ti produksyon dagitoy nga addaan pay ti 20-year warranty.
Mapalawa pay ti YAKAP ken dadduma a serbisyo salun-at babaen ti kanayunan a pondo manipud PhilHealth, kalpasan ti pannakaisubli ti P60B a pondo na.
Iti kangitingitan ti krisis ti lana a pinataud ti gyera idiay Middle East, impasigurado ni Presidente Martcos Junior nga adda iti umdas a supply ti langis ditoy Pilipinas. Mangbirbiruken ti gobierno kadagiti alternatibo a gubuayan ti krudo ken ti panangpababa ti presyo dagiti magatang.
Kabayatanna, maipaay met ti subsidiya kadagiti apektado a sektor – nangruna dagiti mangmangged iti transportasyon – nga uray kasatno ket saan da a malugi, uray nu temporario a naitantan ti kanayunan a plete.
Nabilin met amin nga ahensya nga agkissay ti 10% a konsumo ti enerhiya ken itandudo ti panangusar ti solar energy tapno makasalimetmet kasta met a makissayan ti pressure iti power supply ti pagilian.
