BR LA UNION – Nakailista ti baro a record a P60.100 kada US dollar ti balor ti piso iti panagrikep ti trading ita nga aldaw, maibilang nga all-time low iti pakasaritaan.
Nairehistro ti intraday low a P60.4 ken average a P60.161 kalpasan ti P59.9 nga opening rate.
Segun kadagiti analyst, gapwanan daytoy ti agtultuloy a panagngato ti presyo ti langis iti sangalubongan a merkado ken tensyon idiay Middle East.
Nagbalin a mas napigpigsa iti dolyar gapu iti panagakar dagiti investor iti safe-haven assets.
Imbaga ti Bangko Sentral ng Pilipinas (BSP) nga agtultuloy a banbantayan ti sitwasyon ken nakasagana nga ag-intervene nu kasapolan.
Ballaag ti ekonomista a ni Prof. Emmanuel Leyco iti interview ti Bombo Radyo, iti nakapsot a piso ket mangiduron ti mas nangatngato pay a presyo dagiti ang-angkaten a produkto, nangruna iti petrolyo.
Gaputi dayta, namnamaen a ngumato ti inflation wenno kapaspas iti panagngato ti presyo dagiti gagatangen ken serbisyo, nga isu met ti mangpadagsen iti gastos dagiti konsyumer.
