Tapno mapapartak ti panagdur-as ti Public Utility Vehicle wenno PUV modernization program, impaganetget ni Senador Sherwin Gatchalian a nayunan ti gobierno iti tulong pinansyal para kadagiti tsuper ken operators nga umakar iti panagusar ti electric vehicle (EV).
Dakdakkel kunana ti kasapulan a suporta manipud iti gobierno tapno maparegta ti public transport sector nga usaren ti kabaroan a teknolohiya.
Innayon ti mamanday-linteg a ti naparpartak a transisyon kadagiti EVs ket agserbi a proteksyon ti Pilipinas kontra ti epekto dagiti oil shocks wenno ti deretso a panagbalbaliw ti presyo dagiti produkto a petrolyo ti sangalubongan a merkado.
Mapapigsa na pay ti energy security ti pagilian agsipud ta bumaba iti pagkaspaulan ti krudo. Malaksid iti petrolyo, agnumar pay dagiti makipaset a PUV operators ken tsuper iti excise tax exemption.
Inlawlawag ni Gatchalian a dagiti electric vehicle ket maysa nga epektibo nga addang tapno malimitaran ti panagngato ti plete a mangpadpadagsen kadagiti ordinaryo a pasahero.
