Madanagan ti grupo dagiti truckers a maapektaran ti supply ti taraon da gapo paylaeng iti agtultuloy a panagngato ti presyo iti diesel.
Segun kadakuada ket manipud iti sigud a P3K ket nagtriplen iti P9K ti gastos da iti krudo.
Kinuna ni Inland Haulers & Truckers Association Chairman ken President Teodorico Gervacio a panggep da kuma iti mangipangato ti trucking rates ngem pagdandanagan da met nga amangan nakarkaro a mangparigat daitoy kadagiti suppliers ken manufacturers.
Impakdaar na a nu adu a truckers ti agtalna ti pasada ket kagiddan a matantan amin a deliveries ti bigas, animal feeds, ken dadduma pay a farm inputs.
Nagpanawagan ti grupo iti gobierno nga agsubsidya iti diesel. Nangipila itan ti position paper sadiay Malacañang Palace dagiti drivers ti jeepney, taxi, tricycle, ken bus tapno kumiddaw ti maiyannatop a tulong iti kangitingitan ti krisis ti langis.
