Inkonsiderar ti Department of Energy (DOE) dagiti mannalon ken mangngalap seknan ti panaggatang ti bultohan kadagiti produkto a petrolyo, partikular ti gasolina ken diesel gapo paylaeng iti agtultuloy nga oil price spikes na ti sangalubongan a merkado.
Kinuna ti ahensya a mapalubosan itan dagiti mannalon ken mangngalap a gumatang ti gasolina ken diesel usar dagiti portable containers a jerry cans ken drums, kas konsiderasyon metten iti wagas ti pagbiagan ti sektor a nakadepende la unay iti petrolyo tapno mapataray dagiti makinarya a pangtalon wenno pangkalap.
Daitoy laeng ti kakaisuna nga inlaksid ti DOE para ti panangiparit kadagiti bulto a panaggatang ti langis nu kasta ket maliklikan ti panic-buying wenno dadduma pay a kapada nga epekto.
Impaganetget ni Department of Agriculture (DA) Spokesperson Assistant Secretary Arnel de Mesa ti kinapateg dagiti petroleum products kadagiti mannalon, nangruna ket itantandudo da iti full mechanization wenno panagusar kadagiti makinarya para iti produktibo a panagmula ken apit.
