BR LA UNION – Siniguro ni House Justice Committee member ken Manila Representative Joel Chua nga awan ti mapaspasamak a ‘grandstanding’ iti impeachment proceedings kontra kenni Vice President Sara Duterte.
Daytoy ket kasaruno ti immunan a panang-dillaw ni sigud a Chief Presidential Legal Counsel Salvador Panelo nga us-usaren dagiti miyembro ti komite iti gundaway tapno makagun-od ti libre a publicity, nangruna ket umadanin iti 2028 elections.
Segun kenni Chua, nga agserserbi a chairman ti House Committee on Public Accountability and Good Government, istrikto iti committee chair a ni Rep. Gerville Luistro ken ammo ti publiko a saan a mapatgan dagiti ‘probing question’ isunga awan ti makalusot siasinuman a kayatna ti mangaramid ti grandstanding.
Kinuna na a nangato iti allagaden a maipatpatungpal iti panagdengngeg ket dagiti laeng salodsod a direkta nga adda pakainaiganna iti ebidensya ken affidavit iti mapalubosan.
Inyarig ti mammanday linteg iti panangsita ti komite kadagiti mammanday linteg a mangilis-lisi iti linya ti panagsalodsod.
Kinuna nga awan ti makalusot siasinuman a miyembro iti minority wenno majority, bayat a silulukat iti publiko iti record ti hearing.
Impaganetget ni Chua, disiplinado dagiti miyembro ti justice panel – awan ti pa-epal, awan ti eksena, agsipudta nakabasar laeng iti iti trabaho dagitoy.
