BR LA UNION – Tinurpos ni Filipina tennis star Alex Eala iti kampanya na iti WTA 1000 Madrid Open nga adda pakabuklan a premyo nga €47,195 wenno nasurok-kumurang a P3.3 million kalpasan nga immabot iti maikadwa a round iti agpada a singles ken doubles.
Iti singles, nakagun-od ni Eala ti €31,585 kalpasan nga inabak na ni Anastasia Pavlyuchenkova iti umuna a round.
Nupay kasta, nalpas ti laban na idi naabak kenni Elise Mertens iti simmaruno nga stage.
Kabayatanna, iti doubles, naka-grupo na ni Zeynep Sönmez ket ballaygi a nangabak da iti umuna a laban.
Ngem naabak da iti round of 16 kontra kada Katerina Siniakova ken Taylor Townsend.
Iti likudan daytoy, nakailista ni Eala ti baro a career-high iti doubles rankings kalpasan nga immuli iti No. 87 manipud iti sigud a No. 101.
Sumaruno a pakipasetan ni Eala iti Catalonia Open manipud Abril 27 agingga Mayo 3 kas panagsagana iti Italian Open.
Kabilang dagiti makasango na iti torneo iti top seed a ni Canadian-Filipina Leylah Fernandez ken dadduma pay a nangangato a ranggo ditoy lubong.
