BR LA UNION – Tinakderan ni House Committee on Good Government and Public Accountability chair, Rep. Joel Chua nga adda otoridad iti House Justice Committee nga alaen iti tax records ni Vice President Sara Zimmerman Duterte.
Inaramid ti mammanday linteg iti waragawag kas panangilawlawag iti panangi-subpoena ti panel iti Bureau of Internal Revenue (BIR) tapno mairuar ti income tax returns (ITRs) ti bise presidente.
Segun kenni Chua, adda bileg iti komite a mangiruar ti subpoena ket sakopenna agraman iti Bureau of Internal Revenue.
Kinuna na nga ipapaayan ti Konstitusyon iti Kongreso a mangaramid ti bukod na a rules wenno allagaden, agraman ti panang-otorisa tapno mangipaulog ti subpoena.
Babaen ti subpoena power ti Kongreso (Kamara ken Senado), adda bileg kunana iti komite nga alaen iti income tax return (ni VP Sara) uray nu adda iti maysa nga statute a mangipawil iti daytoy.
Maipalagip a napagnumwan dagiti miyembro ti komite a saanen a lukatan iti green box.
Ingkalintegan ti komite, daytoy ket tapno saanen a makakita ti abut wenno rason iti kampo ti bise presidente a kuwestyunaran iti hearing panel ken agaplay manen ti temporary restraining order (TRO) iti Supreme Court.
