Kumiddaw ni Senador Ronald “Bato” dela Rosa iti Korte Suprema a a lapdan ni sigud a Senador Antonio Trillanes IV ken dadduma pay nga ahensya iti panangipaulog kenkuana ti arrest warrant manipud International Criminal Court.
Karaman pay kadagiti kayat na a lapdan ket ti National Bureau of Investigation, Philippine National Police, Philippine Center on Transnational Crime, ken dadduma pay a respondents iti panangipaulog ti warrant, agraman ti posible a panangarestar, panagdetene, panangiyakar, ken panangi-surrender kenkuana iti ruar ti pagilian nga awan iti warrant manipud korte ti Pilipinas.
Nangipila daitoy iti “Very Urgent Manifestation of Supervening Events with Reiterative Prayer” nga insubmitir ti abogado na a ni Israelito Torreon kalpasan ti insidente ti pammaltog idiay Senado.
Malaksid iti petisyon para ti prohibition, kiniddaw pay ni Dela Rosa iti Korte Suprema a dagos a mangiruar iti Temporary Restraining Order kontra ti ICC warrant idiay uneg ti Senado.
Nupay agtultuloy ti imbestigasyon, binabalaw ti kampo ti Senador iti panagpeggad dagiti pada na a mamanday-linteg, empleyado, kasta met dagiti am-amin nga adda iti pasdek.
Maipalagip nga idi aldaw ti Miyerkules ket nangiruar iti resolusyon ti Korte Suprema a mangibilbilin kadagiti respondents ken kenni Dela Rosa a mangisubmitir ti komento iti las-ud ti 72 nga oras.
Inlawlawag met ni SC Spokesperson Atty. Camille Sue Mae Ting a mabalin latta a pagbigyan ti hukom iti kiddaw a Temporary Restraining Order, nu kasapulan.
