Inbinglay ti House prosecution panel dagiti akem ti tunggal prosecutors para ti umadani nga impeachment trial ni Bise Presidente Sara Duterte.
Segun kenni lead prosecutor ken House Justice Committee Chairperson Gerville ‘Jinky Bitrics’ Luistro, iggaman iti tunggal prosecutor ti saan a bumaba iti dua nga articles of impeachment tapno mapapartak iti presentasyon dagiti ebidensya ken panagdengngeg kadagiti testigo.
Karaman kadagiti alegasyon kontra iti Bise Presidente ket ti saan nga umiso a panangusar ti confidential funds iti Office of the Vice President ken ti Department of Education (DepEd), saan a mailawlawag a baknang, bribery, kasta met iti panagpangta nga ipapatay da Presidente Ferdinand Marcos Jr., First Lady Liza Araneta-Marcos, ken sigud nga Speaker Ferdinand Martin Romualdez.
Impasiguro ti prosecution panel a nakasagana da a paneknekan dagiti uppat nga Articles of Impeachment usar dagiti ebidensya manipud kadagiti naisayangkat nga imbestigasyon ti Kongreso, karamanen dagiti reports ti Philippine Statistics Authority (PSA), National Bureau of Investigation (NBI), ken Commission on Audit (COA).
Siyam a prosecutors ti naidutok iti Article I, a mangak-akusar kenni VP Sara Duterte a culpable violation of the Constitution, graft and corruption, ken betrayal of public trust gapo iti biddut a panangusar ti P500-M a confidential funds ti Office of the Vice President ken P112.5-M a confidential funds ti DepEd.
Karaman kadagiti mangiggem ti Article I ket isuda Representative Luistro a kas lead prosecutor, Representative Joel Chua a kas second lead; ken isuda Representatives Leila de Lima, Chel Diokno, Terry Ridon, Lorenz Defensor, Jonathan Keith Flores, Rodge Gutierrez, ken Lordan Suan.
Siyam met a prosecutors ti mangiggem iti Article II a mangdakdakamat kadagiti saan a mailawlawag a baknang ni VP Sara, saan a naan-anay a panangideklara kadagiti sanikua na babaen ti Statement of Liabilities and Networth (SALN), ken ti pannakapaay nga ag-divest ti negosyo kabayatan nga adda iti puesto.
Ni Representative Ridon iti lead prosecutor para ti Article II, Atty. Diokno kas second lead, kakadwa da Representatives Luistro, De Lima, Chua, Flores, Gutierrez, Suan, ken Kaka Bag-ao.
Para iti Article III, maak-akusaran ni VP Sara iti bribery, graft and corruption, ken culpable violation of the Constitution gapo iti panangiwaras ti reward money kadagiti opisyales ti DepEd tapno malusutan iti procurement ken dadduma pay a paglintegan.
Naidutok pay ditoy da Representatives Ysabel ‘Bel’ Zamora, Chua, Gutierrez, ken Bag-ao. Ni Chua ti lead prosecutor bayat a ni Gutierrez iti second lead.
Para met iti Article IV, maak-akusaran metlaeng ni VP Sara iti culpable violation of the Constitution, high crimes, betrayal of public trust, ken inciting to sedition gapo iti panagpangta kenni Presidente Marcos Jr., First Lady Araneta-Marcos, ken Speaker Romualdez.
Da Representatives Defensor ken De Lima ti agserbi kas lead ken second lead prosecutors, kakadwa da Luistro ken Zamora.
