BR LA UNION – Kinaswan ti US Department of Justice ni sigud a Cuban President Raúl Castro idiay Miami, Florida.
Naidemanda ti sigud a presidente ken lima pay a dadduma, iti “conspiracy” tapno patayen dagiti US nationals, uppat a bilang ti murder ken dua a bilang ti destruction of aircraft.
Naakusaran iti ex-president ken Cuban military a pinag-suwek da idi 1996 dagiti dua a civilian planes a kukua ti Cuban-American group a “Brothers to the Rescue” ken nakatayan ti uppat a tattao kabilang dagiti tallo nga Americans bayat nga adda da iti humanitarian mission idiay Florida Straits.
Ti sigud a presidente nga agtawen itan ti 94 ket nagserbi a lider ti armed forces ti Cuba ken maipagarop a nangimandar tapno tumbaen dagiti eroplano.
Ti dadduma pay a defendant iti kaso ket iti fighter pilot.
Kinondenar met ti agdama a Presidente ti Cuba a ni Miguel Díaz-Canel ken ti Foreign Ministry da ti nasao nga addang ket inawagan da daytoy kas maysa a “political maneuver.”
Ti nagbalin nga addang ti US ket iti tengga ti naingetan a kampaniya ti Trump administration tapno patakyasen ti innem itan a dekada a communist regime ti Cuba.
