BR LA UNION – Nagbalinen a Category 5 storm iti Hurricane Melissa bayat nga agpapa-amianan ken bumalballasiw idiay Caribbean Sea ken umas-asideg idiay Jamaica ken Cuba ita nga aldaw wenno Lunes kadagiti nasao a pagilian.
Makita kadagiti imahe a naala ti U.S. Air Force Reserve’s 53rd Weather Reconnaissance Squadron, a maaw-awagan ti “Hurricane Hunters” a naipatayab tapno i-capture iti mata ti Hurricane Melissa idi October 27.
Iti U.S. Air Force Reserve ket maysa kadagiti ahensiya a nakatutok iti mata ti bagyo.
Iti Category 5 storm a Hurricane Melissa ket posible a kapigsaan iti pakasaritaan ti isla.
Pagdan-danagan a mangigubway daytoy iti delubyo nga angin, napigsa a tudo, nakaru a layos, ken storm surge.
Iti sabali a bangir, pinakdaaran ti Philippine Embassy idiay Washington, D.C. dagiti Pilipino idiay Jamaica nga agannad ken kitaen ti pagtalgedan bayat nga umas-asideg ti napigsa a bagyo.
