Imbilinen ti Sandiganbayan division a mangig-iggem ti bailable graft case ni Senador Jinggoy Estrada ti pannakaarestar kenkuana ita nga aldaw ti Biernes, mainaig paylaeng ti koneksyon na kadagiti eskandalo dagiti Flood Control Projects.
Nangipaulog ti Second Division iti korte kadagiti warrants of arrest ken hold departure orders kontra kada Estrada ken sigud a Department of Public Works and Highways (DPWH) Secretary Manuel Bonoan.
Mainaig ti kaso ket pinaregta ni National Bureau of Investigation (NBI) Director Melvin Matibag ni Estrada nga ag-surrender lattan tapno saan dan a marigatan a mangkamat.
Mapapati a pagpanpanunotanen ni Senador Jinggoy Estrada iti ag-surrender, apaman a rumuar iti arrest warrant kontra kenkuana iti kaso a plunder ken graft.
Daitoy ti kinuna ni Secretary of the Interior and Local Government (SILG) Jonvic Remulla ti maysa nga ambush interview idiay Camp Karingal.
Segun kenni Remulla, inbinglay ni Senador Estrada nga adda iti saksakiten ti bagi nan a kas iti tumeng, a kunana ket kangrunaan a problema ti mamanday-linteg.
Innayon na pay nga awan iti hurisdiksyon da iti panagdesisyon maipapan kadaitoy ket Sandiganbayan laeng iti rumbeng a pangilawlawagan ni Estrada.
Pagaammo a maikatlon a daras a sumangsango isuna iti kapada a kaso isu nga agtaltalek ni Remulla iti posibilidad iti naan-anay na a panag-surrender.
Karaman met iti nakasoan ti plunder ken graft ket isuda Department of Public Works and Highways (DPWH) Secretary Manuel Bonoan ken tallo pay nga opisyales.
Impasiguro ni Remulla nga awan ti agbalin nga special treatment kenni Estrada apaman nga isunan ket maarestar wenno agboluntaryo nga ag-surrender.
